యూరియా సమస్య - పరిష్కార మార్గాలు

రాష్ట్రంలో యూరియా కొరతపై ఇంత అలజడి జరుగుతున్నా, ప్రభుత్వం ఆ సమస్యను ఎందుకు నివారించలేకపోతుందో అర్థం కావడం లేదు. ఈ సమస్యకు గల కారణాలను, వాటి పరిష్కార మార్గాలను ఈ కింది విధంగా విశ్లేషించవచ్చు. 

📍సరఫరాలో సమన్వయ లోపం: వాస్తవానికి, యూరియా సరఫరా కేంద్ర, రాష్ట్ర ప్రభుత్వాల సమన్వయంతోనే జరుగుతుంది. బహుశా, ఈ సమస్య మొదటి అడుగులోనే మొదలైందని నేను భావిస్తున్నాను. సరఫరా వ్యవస్థలో సమన్వయం లేకపోవడం వల్లనే ఈ కొరత ఏర్పడి ఉండవచ్చు.

📍నల్లబజారు దందాపై నియంత్రణ లోపం: ఈ మధ్య వార్తాపత్రికల్లో చూసిన దాని ప్రకారం, నల్లబజారులో యూరియా అక్రమంగా నిల్వ చేసి అధిక ధరలకు అమ్ముతున్నారు. ఇలాంటి అక్రమార్కులపై ప్రభుత్వ యంత్రాంగం ఎందుకు కఠిన చర్యలు తీసుకోవడం లేదో తెలియడం లేదు. దీని వల్ల సాధారణ రైతులకు యూరియా అందుబాటులో ఉండటం లేదు.

📍దీర్ఘకాలిక సమస్య: యూరియా కొరత అనేది కొత్తగా వచ్చిన సమస్య కాదు. గత కొన్ని సంవత్సరాలుగా రైతులు ఈ ఇబ్బందిని ఎదుర్కొంటున్నారు. ఈ సమస్యను నివారించడానికి ఎన్నో వ్యవస్థలు ఉన్నా, ప్రభుత్వాలు వాటిపై ఎందుకు దృష్టి పెట్టడం లేదో అర్థం కావడం లేదు.

📍నానో యూరియాపై అవగాహన కల్పించాలి: యూరియాకు ప్రత్యామ్నాయంగా నానో యూరియా అందుబాటులోకి వచ్చింది. దీన్ని రైతులకు సరఫరా చేసి, దాని వాడకంపై అవగాహన కల్పించవచ్చు. కానీ, గత ప్రభుత్వాలు, ప్రస్తుత ప్రభుత్వాలు ఈ దిశగా సరైన చర్యలు తీసుకోవడం లేదు.

📍రైతులను సేంద్రీయ వ్యవసాయం వైపు మళ్లించాలి: యూరియా వాడకం వల్ల భూమి కలుషితమవుతుంది. దీన్ని తగ్గించడానికి క్రమంగా రైతులను సేంద్రీయ వ్యవసాయం వైపు మళ్లించాలి. సేంద్రీయ ఎరువులను సొంతంగా తయారు చేసుకునేలా వారికి శిక్షణ, అవగాహన కార్యక్రమాలు నిర్వహించాలి.

📍సేంద్రీయ ఎరువులకు ప్రభుత్వ ప్రోత్సాహం: సేంద్రీయ ఎరువుల తయారీకి అవసరమైన ఆర్థిక సాయాన్ని, సబ్సిడీలను కేంద్ర, రాష్ట్ర ప్రభుత్వాలు సకాలంలో అందిస్తే కొంతమంది రైతులు ఈ మార్గాన్ని అనుసరించడానికి ముందుకు వస్తారు.  

📍సేంద్రీయ ఉత్పత్తులకు మార్కెటింగ్ సౌకర్యం: సేంద్రీయ పద్ధతుల్లో పండించిన పంటలకు మార్కెట్లో మంచి ధర ఉంటుంది. ఈ విషయాన్ని రైతులకు అర్థమయ్యేలా చెప్పి, వారి ఉత్పత్తులను అమ్ముకోవడానికి తగిన మార్కెట్ సౌకర్యాలు కల్పిస్తే, ఎక్కువ మంది రైతులు సేంద్రీయ వ్యవసాయాన్ని చేపట్టి, యూరియా వాడకాన్ని తగ్గించే అవకాశం ఉంది. దీనికి ప్రభుత్వ మద్దతు చాలా అవసరం.

చివరిగా

యూరియాకు అనేక ప్రత్యామ్నాయాలు ఉన్నాయి. వాటి వాడకంపై రైతులకు అవగాహన కల్పించి, భవిష్యత్తులో యూరియా వాడకాన్ని గణనీయంగా తగ్గించాలి. లేకపోతే, భవిష్యత్తులో రైతులు తీవ్రంగా నష్టపోతారు. అలాగే, ఈ సమస్య ప్రభుత్వానికి కూడా నిరంతర ఇబ్బందిగా మిగిలిపోతుంది. ఈ విషయంలో ప్రభుత్వం తక్షణమే దృష్టి సారించడం ఎంతైనా అవసరం.

Regards

Surender Thallapelly 

Telangana CMO Anumula Revanth Reddy Bhatti Vikramarka Mallu  Ponnam Prabhakar  Mahesh Goud Bomma

Setting up an iPhone manufacturing unit in India would primarily benefit Apple, with no significant advantage for #India

Setting up an iPhone manufacturing unit in India would primarily benefit Apple, with no significant advantage for #India

Despite India's population exceeding 1.4 billion, only 12 million people use iPhones. The remaining 90% of the population primarily uses Android mobile phones.

What we need to understand here is that if Apple were to set up a manufacturing unit in India, prices might decrease slightly. This could lead to an increase in iPhone users in India, ultimately bringing significant profit to Apple.

Even if this manufacturing unit isn't set up in India, there's no loss for India. However, if a manufacturing unit is established in India, Apple would have the opportunity to reach over 5 billion people in the Indian subcontinent and across Asia.

Apple needs to consider the benefits of setting up a manufacturing unit in the U.S. In terms of population, the U.S. has only 350 million people. The current policies of the U.S. government regarding production are well-known globally, and many countries are already confused by them. In such circumstances, setting up an Apple manufacturing unit in the U.S. could lead to losses for the company.

The U.S. is already at the forefront of iPhone usage. There's no benefit in setting up a manufacturing unit there. For Apple to expand its market, it's best to establish manufacturing units where usage is low and in locations where they can increase their customer base. The ideal place for this is the Asian continent, specifically its subcontinent, India!

ఐఫోన్ తయారీ యూనిట్‌ను భారతదేశంలో ఏర్పాటు చేయడం వల్ల ఐఫోన్ కంపెనీకే లాభం తప్ప, భారతదేశానికి చెప్పుకోదగిన ప్రయోజనం ఏమీ ఉండదు

భారతదేశ జనాభా 140 కోట్లకు పైగా ఉన్నప్పటికీ, కేవలం 1.2 కోట్ల మంది మాత్రమే ఐఫోన్‌లను ఉపయోగిస్తున్నారు. మిగిలిన జనాభాలో 90 శాతం మంది ఆండ్రాయిడ్ మొబైల్స్‌నే వాడుతున్నారు.

ఇక్కడ మనం అర్థం చేసుకోవాల్సిన విషయం ఏమిటంటే, ఒకవేళ యాపిల్ తయారీ యూనిట్‌ను భారతదేశంలో ఏర్పాటు చేస్తే, వాటి ధరలు కాస్త తగ్గే అవకాశం ఉంది. తద్వారా భారతదేశంలో ఐఫోన్ వాడే వారి సంఖ్య పెరగవచ్చు. దీనివల్ల యాపిల్ కంపెనీకే భారీ లాభం చేకూరుతుంది.

ఈ తయారీ యూనిట్‌ను భారతదేశంలో పెట్టకపోయినా భారతదేశానికి ఎటువంటి నష్టం లేదు. అయితే, ఒకవేళ భారతదేశంలోనే తయారీ యూనిట్‌ను ఏర్పాటు చేసినట్లయితే, యాపిల్ కంపెనీకి భారత ఉపఖండంతో పాటు ఆసియా ఖండంలోని 500 కోట్లకు పైగా ఉన్న జనాభాకు చేరువయ్యే అవకాశం ఉంది.

అమెరికాలో యాపిల్ కంపెనీ తయారీ యూనిట్‌ను పెట్టడం వల్ల ఏం లాభమో యాపిల్ కంపెనీ ఆలోచించుకోవాలి. జనాభా పరంగా అమెరికా జనాభా కేవలం 35 కోట్లు మాత్రమే. ప్రస్తుతం ఉత్పత్తుల విషయంలో అమెరికా ప్రభుత్వం అవలంబిస్తున్న విధానం ప్రపంచానికి తెలిసిందే. 

ఈ విషయంలో ప్రపంచ దేశాలు ఇప్పటికే అయోమయంలో ఉన్నాయి. ఇలాంటి పరిస్థితుల్లో యాపిల్ కంపెనీ తయారీ యూనిట్‌ను అమెరికాలో పెట్టడం వల్ల ఆ కంపెనీకే నష్టం జరగవచ్చు.

ఇప్పటికే ఐఫోన్ వాడకంలో అమెరికానే ముందుంది. తయారీ యూనిట్‌ను అమెరికాలో పెట్టడం వల్ల ఎటువంటి ప్రయోజనం లేదు. 

యాపిల్ ఫోన్ మార్కెటింగ్‌ను విస్తరించాలంటే, వాడకం తక్కువగా ఉన్నచోట తయారీ యూనిట్‌ను ఏర్పాటు చేసి, వినియోగదారులను పెంచుకునే ప్రదేశాల్లో పెట్టడం ఉత్తమం. దానికి సరైన వేదిక ఆసియా ఖండం, దానిలో ఉపఖండమైన భారతదేశం మాత్రమే!

#apple #iphone #India #indiaiphone

Regards 

Surender Thallapelly 

వీలైతే రాష్ట్రంలో ఉన్న రాజకీయ పార్టీల అధినేతలు వారి కార్యకర్తలకు ప్రస్తుత మరియు భవిష్యత్తులో యుద్ధ సమయాల్లో అనుసరించవలసిన వ్యూహాలపై అవగాహన కల్పించి, దేశ ప్రజలకు రక్షణగా ఉండేలా చూడండి

 యుద్ధం జరుగుతున్న సమయంలో మన సైనిక బలగాలకు మరియు ప్రభుత్వానికి కొన్ని ప్రత్యేకమైన వ్యూహాలు ఉంటాయి. ఏ రహస్యాలు, ఏ వార్తలు ఏ సమయంలో బహిర్గతం చేయాలో వారికి బాగా తెలిసి ఉంటుంది. ఎందుకంటే వాటి ద్వారా జరిగే లాభనష్టాల గురించి వారికే ఎక్కువ అవగాహన ఉంటుంది. ప్రజలుగా మనం ఈ విషయాన్ని అర్థం చేసుకోవాలి.

ముఖ్యంగా కొన్ని మీడియా సంస్థలు, కొంతమంది వ్యక్తులు రక్షణ వ్యవస్థకు సంబంధించిన రహస్యాలను కూడా సోషల్ మీడియా వేదికల్లో, టీవీలలో బహిర్గతం చేస్తున్నారు.

వారి ఉద్దేశం ఏమిటో నాకు అర్థమైంది. మీరు ఆ విషయాన్ని ముందుగా తెలుసుకొని అందరికీ తెలియజేయాలనుకున్నారు. కానీ అది శత్రువులకు ఆయుధంగా మారవచ్చు. దయచేసి ఈ విషయాన్ని దృష్టిలో ఉంచుకోండి!

మరి కొంతమంది వ్యక్తులైతే కేంద్ర ప్రభుత్వం మీద ఉన్న వ్యతిరేకతతో వారి వ్యక్తిగత ఆలోచనలను ప్రజల మీద రుద్దుతున్నారు. ఇది ఏ మాత్రం సరికాదు!

దయచేసి ప్రస్తుతం రాజకీయ పార్టీల వ్యక్తిగత ఆలోచనలను పక్కనపెట్టి, ఒక భారతీయ పౌరుడిగా మన దేశానికి, మన రక్షణ వ్యవస్థకు ఏమి చేయగలమని ఆలోచించండి మరియు సహాయ సహకారాలు అందించండి!

వీలైతే రాష్ట్రంలో ఉన్న రాజకీయ పార్టీల అధినేతలు వారి కార్యకర్తలకు ప్రస్తుత మరియు భవిష్యత్తులో యుద్ధ సమయాల్లో అనుసరించవలసిన వ్యూహాలపై అవగాహన కల్పించి, దేశ ప్రజలకు రక్షణగా ఉండేలా చూడండి!

మనమందరం ఐక్యంగా ఉన్నప్పుడే మన శత్రువును ఓడించగలం!

జై హింద్! జై భారత్! 🇮🇳✊

Cc :Telangana CMO Anumula Revanth Reddy Kalvakuntla Taraka Rama Rao - KTR Mahesh Goud Bomma Kishan Reddy Gangapuram Bandi Sanjay Kumar Ponnam Prabhakar Dr Sravan Dasoju

హైదరాబాద్ రియల్ ఎస్టేట్ రంగం కుదేలు అవ్వడానికి కారణం ఆ సంస్థలే

ఈ మధ్య కొంతమంది భూముల ధరలు తగ్గడానికి మరియు హైదరాబాద్ రియల్ ఎస్టేట్ రంగం కుదేలవడానికి కాంగ్రెస్ తీసుకున్న నిర్ణయాలే కారణమని ఆరోపిస్తున్నారు. ఇది కొంతవరకు నిజమే అయినప్పటికీ, ఇది పూర్తిగా కాంగ్రెస్ ప్రభుత్వ వైఫల్యం మాత్రం కాదు.

దీనికి ప్రధాన కారణం కేవలం రియల్ ఎస్టేట్ రంగ వ్యాపారులు మరియు సంస్థలు మాత్రమే. వారు తీసుకున్న నిర్ణయాలు మరియు విపరీతంగా పెంచిన ధరలే నేడు రాష్ట్రంలో రియల్ ఎస్టేట్ రంగం కుదేలవడానికి కారణమని నేను భావిస్తున్నాను.

ఒకప్పుడు హైదరాబాద్ మహానగరంలో ఒక డబుల్ బెడ్ రూమ్ ప్లాట్ కొనాలంటే 25 లక్షల నుండి 45 లక్షల లోపు మాత్రమే ఉండేది. కానీ ఇప్పుడు ఆ ధరలు అమాంతం 75 లక్షల నుండి 90 లక్షలకు పెరిగాయి. 

ఇక త్రీ బిహెచ్కె ప్లాట్ లేదా హౌస్ విషయానికి వస్తే, ఒకప్పుడు దాని ధర 50 నుండి 60 లక్షల లోపు ఉండేది. కానీ ఇప్పుడు దాని విలువ ఏకంగా కోటి రూపాయలకు పైగా పెరిగింది.

విల్లా లేదా ఇండిపెండెంట్ హౌస్ల గురించి చెప్పనక్కర్లేదు. ఒకప్పుడు విల్లా కొనాలంటే 60 లేదా 70 లక్షల లోపు వచ్చేది, బాగా డబ్బున్నవారు కొంటే 80 లక్షల లోపు ఉండేది. కానీ ఇప్పుడు వాటి ధర మూడు నుండి నాలుగు కోట్లు పలుకుతోంది.

మరికొన్ని అత్యంత ఖరీదైన విల్లాల గురించి చెప్పనక్కర్లేదు, వాటి అమ్మకాలు ఏకంగా 35 కోట్లకు పైగా జరుగుతున్నాయి.

అంతగా ధరలు పెంచితే సామాన్య ప్రజలు ఎలా కొంటారు? ధరల పెరుగుదల అనేది ప్రజల యొక్క ఆర్థిక పరిస్థితులను బట్టి ఉండాలి కదా. సామాన్య మరియు పేద ప్రజలకు డబ్బులు ఏమైనా చెట్లకు కాస్తున్నాయా? అన్ని లక్షల కోట్లు ఖర్చు చేసి వారు ఎలా కొనగలరు? 

బెంగళూరులోనో, ఢిల్లీలోనో ధరలు ఎక్కువగా ఉన్నాయని ఇక్కడ కూడా పెంచితే ఎలా? ఇక్కడి ప్రాంత ప్రజల స్థితిగతులు మరియు ఆర్థిక పరిస్థితులను బట్టి కదా ధరలు పెంచాలి?

అందుకేనేమో హైదరాబాద్ రియల్ ఎస్టేట్ రంగం ప్రస్తుతం కుదేలవుతోంది!

గ్రామాల విషయానికి వస్తే భూముల ధరలు పెరగడం నిజమే. ప్రస్తుతం ఆ ధరలు కొంచెం అటూ ఇటూగా ఉన్నప్పటికీ, వాటిని హైదరాబాద్ రియల్ ఎస్టేట్ రంగంతో పోల్చలేము.

ఈ ధరల నియంత్రణను అడ్డుకోవడంలో గత ప్రభుత్వం మరియు ప్రస్తుత ప్రభుత్వం రెండూ విఫలమయ్యాయి మరియు అవుతున్నాయి.

మీరు నిజంగా హైదరాబాద్ రియల్ ఎస్టేట్ రంగాన్ని అభివృద్ధి చేయాలని అనుకుంటే, రియల్ ఎస్టేట్ సంస్థలతో మరియు ఏజెంట్లతో సమావేశాలు ఏర్పాటు చేసి ప్రజల అభిప్రాయాలను తెలుసుకునే ప్రయత్నం చేయండి. ఆ తర్వాత ధరల నియంత్రణ చర్యలు చేపట్టండి! 

ఆ తర్వాతనే హైదరాబాద్ రియల్ ఎస్టేట్ రంగం ఒక సరైన మార్గంలోకి వస్తుంది, తద్వారా ప్రభుత్వానికి ఆదాయం కూడా పెరుగుతుంది! 

ఈ చర్యలు చేపట్టకపోతే అటు రియల్ ఎస్టేట్ రంగం, ఇటు ప్రభుత్వం రెండూ నష్టపోతాయి. 

ఇది కేవలం నా వ్యక్తిగత అభిప్రాయం మాత్రమే.🙏

Regards 

Surender Thallapelly 

Cc :Telangana CMO Bhatti Vikramarka Mallu Ponnam Prabhakar Mahesh Goud Bomma Kalvakuntla Taraka Rama Rao - KTR

తెలంగాణ శాసనమండలి సభ్యులుగా ఎంపికైన తర్వాత డాక్టర్ శ్రవణ్ దాసోజు అన్న గారిని వెళ్లి కలవడం జరిగింది !

 తెలంగాణ శాసనమండలి సభ్యులుగా ఎంపికైన తర్వాత డాక్టర్ శ్రవణ్ దాసోజు అన్న గారిని వెళ్లి కలవడం జరిగింది !

శ్రవణ్ అన్న రాజకీయ ప్రస్థానంలో, వారికి తోడుగా, వారి వెంటనడిచిన నడిచిన ప్రయాణంలో కొన్ని గుర్తులు..

తెలంగాణ ఉద్యమ అధినాయకులు, గౌరవ మాజీ ముఖ్యమంత్రి కేసీఆర్ గారి ప్రసంగాలతో ప్రేరణ పొంది, తెలంగాణ ఉద్యమంలో విద్యార్థి ఉద్యమకారుడిగా అడుగులు వేసి నా వంతు పాత్ర పోషించాను..

ఆ తదననంతరం, ఒక తెలంగాణ బిడ్డగా, నేటి రాజకీయాల్లో నా తరఫునుండి ఈ సమాజంలో ఏదో ఒక మార్పు చేయాలని ఒక దృఢ సంకల్పంతో...శ్రవణ్ అన్న గారితో కలిసి 2014లో ప్రయాణం మొదలుపెట్టడం ప్రారంభించాను..వారు చేసే ప్రతి పనిలో మమ్ములను భాగం చేస్తూ, మాకు దిశా నిర్దేశం ఇచ్చేవారు, కేవలం రాజకీయ అంశాలే కాకుండా..నిజ జీవితంలో జరిగే కష్టనష్టాలను కూడా ఎలా తట్టుకోవాలో వాటిని ఎలా ఎదుర్కోవాలో నిర్దేశించేవాడు..

శ్రవణ్ అన్న గారు నేటి సమాజ మార్పు కోసం,పేద ప్రజల బాగు కోసం, బడుగు బలహీన వర్గాల ఉన్నతి ప్రగతి కోసం, వారు పడిన తపన, పోరాట స్ఫూర్తి, వ్యక్తిగత  జీవితాన్ని వదులుకొని ఎన్నో రాత్రి పగలు పరితపించిన క్షణాలకు నేను ఒక సాక్షిని .

వారితో ప్రయాణించే సమయంలో నేను ఎక్కువగా వారి వద్ద నుంచి గమనించిన కొన్ని విషయాలు..

ఒక ఉన్నతంగా చదువుకున్న వ్యక్తిగా ఈ సమాజ మార్పు కోసం ,పేద ప్రజల జీవితాల బాగు కోసం..ఏదో ఒక గొప్ప మార్పు చేసి వారి జీవితాలను మార్చాలని తపన వారిలో ఎప్పుడూ కనపడేది.

వారు ఏదైనా ఒక కార్యక్రమాన్ని మొదలు పెడితే ఆ కార్యక్రమము అయిపోయేంత వరకి ఆ పనిలో నిమగ్నం అయ్యేవారు..ఆ సమయంలో వారు రాత్రి పగళ్లు కూడా మరిచిపోయి పనిచేసే వారు మమ్ములను అదేవిధంగా ప్రేరేపించేవారు.

ఎప్పుడైనా ఈ సమాజాన్ని ఉద్దేశించి ఏదైనా చెప్పాలనుకున్న సమయంలో, ఆ సమస్య గురించి  క్షుణ్ణంగా పరిశోధించి, పరిశీలించి..ఆ సమస్య పరిష్కారంలో ఎక్స్పర్ట్ అయిన వ్యక్తులను సంప్రదించి వారితో చర్చించిన ఆ తర్వాతే వారి వ్యక్తిగత అభిప్రాయాన్ని మీడియా సాధనాలతో ప్రజలకు వ్యక్తపరిచేవాడు..

వారు రాజకీయాలలో ఏ కార్యక్రమం చేసిన ఈ కార్యక్రమం చేయాలనుకున్నా రాజకీయ పరిశుభ్రత పాటించాలి అనుకునేవాడు..

వారి జీవితంలో దైవ నిర్ణయంతో కొన్ని అనుకోని సంఘటనలు జరిగినా, చివరికి ఉద్యమ అధినాయకులు పెద్దలు గౌరవ మాజీ ముఖ్యమంత్రి కేసీఆర్ గారి ఆశీర్వాదంతో ఎమ్మెల్సీగా శాసనమండలిలో అడుగుపెడుతున్నారు..

శ్రవణ్ అన్న గారి జీవిత ప్రయాణంలో వారు పడిన ఆటుపోటులు, నేటి యువతరానికి ఎంతో అవసరం, మరీ ముఖ్యంగా ఉన్నత చదువులు చదువుకొని రాజకీయాల్లోకి వచ్చి ఈ సమాజాన్ని మార్చాలని అనుకునే యువతరానికి ఎంతో గాను అవసరం..

చివరగా ఆ పరమేశ్వరుడి ఆశీర్వాదంతో, పెద్దలు కేసీఆర్ గారి అండదండలతో..మీరు ఒక శాసనమండలి ప్రతినిధిగా ఒక ఎమ్మెల్సీగా..డాక్టర్ బి.ఆర్ అంబేద్కర్ పూలే గారి ఆశయాలతో..బడుగు బలహీన వర్గాల ఉన్నతి కోసం ప్రగతి కోసం పోరాడాలని..నేటి రాజకీయాల్లో రావాలనుకునే యువతరానికి..మీరు పడిన ఆటుపోటులను వివరిస్తూ,నేటి సమాజ మార్పు కోసం ఉన్నతమైన యువకులను తయారు చేసే శక్తి మీకు ఆ భగవంతుడు ఇవ్వాలని ప్రార్థిస్తూ మీరు ఎల్లవేళలా శక్తివంతులుగా ఉండాలని కోరుకునే మీ తమ్ముడు సురేందర్..🙏💐

రాజ్యాంగబద్ధమైన పదవుల్లో ఉండే నాయకులే అంటున్నారు,బూతులే మా ఆయుధాలు,మా రక్షణ కవచాలు,మా రాజకీయ పదవులకు పునాదులు..రేపటి భవిష్యత్తుకు బలాలు అంటున్నారు!

 

"బూతులే బంగారు బాతులు" అనే వార్త ఆంధ్రజ్యోతిలో చదివాను,ఇలాంటి వార్త రాయడం అభినందించే విషయము..

మీరు రాసిన వార్త నూటికి నూరు శాతం నిజమే,ఈ విషయం మీద చాలా లోతుగా చర్చ జరగాలి!

కేవలం యూట్యూబ్ ఛానల్ లే కాదు,కొన్ని వార్తాపత్రికలు వార్తా ప్రసార మాధ్యమాలు కూడా ఇదే రీతిలో వ్యవహరిస్తున్నాయి..

కొందరు బూతులతో డబ్బులు సంపాదిస్తుంటే,మరికొందరు అబద్దాల వార్తలు నిజాలుగా రాసి కోట్లు సంపాదిస్తున్నారు,ఇది అందరికీ తెలిసిన విషయమే దీని లోతులోకి పోదలుచుకోలేను!

ఈ వార్త లోకి వస్తే, ఈ మధ్య ఒక పుస్తక విడుదల కార్యక్రమాల్లో స్వయాన రాష్ట్ర ముఖ్యమంత్రి గారే మాట్లాడారు..బూతులు మాట్లాడడం తప్పే గాని అంటూ..బూతులు మాట్లాడలేకపోతే నేను రాజకీయాలు చేయలేను నా రాజకీయ జీవిత ఆట ఆడలేను అని మాట్లాడారు..!

నాకు తెలిసి ఇది అతి పెద్ద ప్రకటన రాజ్యాంగ పదవిలో ఉండి ఒక ముఖ్యమంత్రి గారు ఆ మాట మాట్లాడారు అంటే,అది చాలా పెద్ద విషయం,కానీ ఆ వార్త గురించి మరుసటి రోజు ఏ పత్రిక కూడా ప్రచురించలేదు!

అఫ్కోస్ ముఖ్యమంత్రి గారు అన్న విషయంలో అర్థం ఉంది,బూతు మాటలతో మాట్లాడకపోతే ప్రజలకి నా మాటలు ఎక్కవు నన్ను ఆదరించరు అనే విధంగా మాట్లాడారు తను..

బహుశా ప్రస్తుత యూట్యూబర్లు కూడా ఇవే దారిని అనుసరిస్తున్నారేమో,ఇక్కడ తప్పు ముఖ్యమంత్రి గారితో యూట్యూబర్లదో కాదు..

నూటికి నూరుపార్లు ప్రజలదే తప్పు అవుతుంది, ఒక నాయకుడు, ఒక యూట్యూబర్ఓ లేదంటే ఒక సోషల్ మీడియాలో పోస్ట్ చేసే వ్యక్తి బూతులతో మాట్లాడినప్పుడు  లేదా పోస్ట్ పెట్టినప్పుడు..వారి వార్తలను వారి పోస్టులను ఆదరించినంత విధంగా. బూతులు లేకుండా అర్థవంతంగా రాసిన పోస్టులకు కానీ వీడియోలకు కానీ మాట్లాడిన మాటలకు కానీ ఈరోజు ప్రజలు పట్టించుకోవడం లేదు..

రాజ్యాంగబద్ధమైన పదవుల్లో ఉండే నాయకులే అంటున్నారు,బూతులే మా ఆయుధాలు,మా రక్షణ కవచాలు,మా రాజకీయ పదవులకు పునాదులు..రేపటి భవిష్యత్తుకు బలాలు అంటున్నారు!

ఇక ఎలా మార్పు వస్తుంది, మనం ఈ మార్పుని ఎలా ఆశించాలి?

✍️మీ సురేందర్ తాళ్ళపల్లి.

సమస్య రైతుల భూముల లేదా ప్రతిపక్ష నాయకుల?మంత్రివర్గ సమావేశం ఏర్పాటు చేసి ఆ రైతులకు న్యాయం జరిగే విధంగా ఆలోచన చేయండి.

 వికారాబాద్ జిల్లా లగచర్లలో జరిగిన సంఘటన అత్యంత దురదృష్టకరం,ప్రభుత్వంలో ఎవరు ఉన్న రైతుల విషయంలో ప్రతిసారి జరిగేది అన్యాయమే,అభివృద్ధి పేరుతో అమాయక రైతుల భూములను లాక్కొని, కనీసం వారి భూములకి, భూ సేకరణ చట్టం ద్వారా ఇవ్వవలసిన నష్టపరియారాన్ని ఇవ్వకుండా,రైతుల వ్యక్తిగత అభిప్రాయాలను సరిగ్గా తీసుకోకుండా,తెలుసుకోకుండా..రైతుల మధ్యకు పోతే ఇలాంటి సంఘటనలే జరుగుతాయి,ఇలాంటి సంఘటనలే గతంలో కూడా మనం చూసాం,అప్పుడు ఆ రైతులకు మద్దతుగా ఇప్పుడు కాంగ్రెస్ ప్రభుత్వంలో ఉన్న ముఖ్యమంత్రి గారు, మంత్రులు అప్పటి రాష్ట్రపతి గారికి లేఖలు రాశారు స్వయాన వెళ్లి కలిసారు కూడా, కొంతమంది ఇప్పటి మంత్రులు అయితే స్వయాన రైతుల తరపున కోర్టులో పోరాటాలు కూడా చేశారు.

నాకు ఇదే అర్థం కావడం లేదు,ప్రభుత్వాలు మారగానే ఆ ప్రభుత్వంలోకి మనం రాగానే ఎందుకు ఆ చట్టాలను ఆ పోరాటాలను మరిచిపోతాము,

ఆ రైతులు అడిగేది వారి పొలాలకు వారి భూములకు సరి అయిన పరిహారం ఇవ్వాలనే కదా మిమ్ములను అడిగేది,ఎందుకు వారికి ఇతర పార్టీలతో సంబంధాలు ఉన్నాయని బదనాం చేస్తున్నారు, ఒకవేళ ఉంటే తప్పేంటి..గతంలో మనం ప్రతిపక్షంలో ఉన్నప్పుడు కూడా,సమస్య ఉన్న రైతులు ప్రతిపక్షాల దగ్గరికి వచ్చే కదా వారి బాధలను పంచుకున్నారు..అలా వచ్చిన రైతులను ఆరోజు ప్రభుత్వం కూడా అలానే బదనాం చేసింది!

నాకు ఇక్కడ అర్థం కాని విషయం,అక్కడ రైతుల సమస్య స్పష్టంగా కనబడుతుంది.అలాంటప్పుడు ఆ రైతులని ప్రభుత్వ అధికారులతో మంత్రులు ముఖ్యమంత్రులు వెళ్లి ఎందుకు కలవలేదు,వారి సమస్యలను ఎందుకు తెలుసుకోలేకపోయారు?

చివరికి కొంతమంది అధికారులను పంపి,రైతులను భయాందోళనకు గురిచేసి,ఆ రైతులు ఆవేశంతో కోపంతో ఆ అధికారుల మీద తిరగబడే విధంగా ఎందుకు ఈ దుస్థితికి తీసుకొచ్చారు?

ఇక్కడ తప్పు అధికారులది కాదు రైతులది కాదు,రైతులు చెప్పే కారణాలు సమస్యలు తెలుసుకోకుండా ఆ అభివృద్ధి కార్యక్రమాన్ని ముందుకు నడపడానికి ఆలోచన చేసిన ప్రభుత్వాందే అవుతుంది!

దయచేసి ఈ విషయంలో ప్రభుత్వము మరోసారి ఆలోచన చేసి ఆ రైతులకి భూసేకరణ చట్టం ద్వారా పరిహారాన్ని చెల్లించి,ఆ రైతులకు న్యాయం చేసి..అభివృద్ధి కార్యక్రమానికి అడుగులు వేయండి🙏 

అంతేకానీ వారి భూములను కోల్పోతున్నామని ఆవేశంలో దాడులు చేసిన రైతులని జైల్లో పెడితే ఏమి లాభం ఉండదు, ఆ సంఘటన అత్యంత దురదృష్టకరమైన సంఘటన అలాంటి సంఘటనలు జరగవద్దు అని కోరుకుందాం👍..

CC: Telangana CMO Anumula Revanth Reddy Ponnam Prabhakar Mahesh Goud Bomma Prabhakar Ponnam Bandi Sanjay Kumar Kalvakuntla Taraka Rama Rao - KTR Dr Sravan Dasoju Rahul Gandhi Telangana Congress Uttam Kumar Reddy

హైదరాబాద్ వైపు చూపులు ఎందుకు తెలంగాణలో అభివృద్ధికి ఇతర జిల్లాలు లేవా

ఎన్ని ప్రభుత్వాలు మారిన,ప్రభుత్వాల ఆలోచన విధానం మాత్రం మారడం లేదు. ఎందుకు సంవత్సరాలు సంవత్సరాలు హైదరాబాదు డెవలప్మెంట్, చుట్టుపక్కల ప్రాంతాల మీద మాత్రమే దృష్టి సాదిస్తున్నారు? తెలంగాణలో ఇతర జిల్లాలు కనిపించడం లేదా? 

ఎంతమంది ముఖ్యమంత్రులు మారిన,వారు చివరగా చేసేది హైదరాబాదు, హైదరాబాదు చుట్టుపక్కల భూముల పెరుగుదల చేసి..తెలంగాణ అభివృద్ధి అంటే ఈ ప్రాంతంలో మాత్రమే జరగాలని..నాగ బంధన చేసి పోతుండ్రు.

హైదరాబాద్ని హైదరాబాద్ చుట్టుపక్కల ప్రాంతాలని ఎంత అభివృద్ధి చేసినా ఏదో ఒక రోజు కేంద్రపాలిత ప్రాంతంగా మారే అవకాశం స్పష్టంగా ఉంది? రాజకీయ కారణాల చేత అయినా కావచ్చు లేదా పపర్యావరణ సమస్యల వల్ల అయినా కావచ్చు.

అలాంటి సమయంలో తెలంగాణ రాష్ట్రానికి తెలంగాణలో వివిధ ప్రాంతాలకి భారీ నష్టం జరిగే అవకాశం ఉంది, ఎందుకు వీటి మీద అంచనా వేయడం లేదు? ఇలాంటి వాటి మీద ఎందుకు తెలంగాణ విద్యావంతులు,ప్రాంత రక్షకులు చర్చ చేయడం లేదు? 

తెలంగాణలో కొన్ని జిల్లాలను హైదరాబాదుకు సమాంతరంగా డెవలప్మెంట్ చేస్తే అన్ని రంగాల అభివృద్ధికి అడుగులు వేసిన వారు అవుతారు..ఇలాంటి అభివృద్ధి కార్యక్రమాల మీద మరోసారి ఆలోచన చేసుకోవాలని విజ్ఞప్తి🙏

Surender Goud Thallapelly

మన ఓటు హక్కు ఆ ఇంద్రుడి వజ్రాయుధం కంటే అత్యంత శక్తివంతమైనది- దేశ భవిష్యత్తును ప్రగతి బాటలో నడిపించేది!

 ఓటు హక్కు అనేది భారత రాజ్యాంగం ప్రతి పౌరుడికి కల్పించిన హక్కు. భవిష్యత్తును మార్చుకునే అవకాశం ప్రజలు అనే మన చేతుల్లోనే ఉంచేది మన ఓటు. మంచి నాయకులను ఎన్నుకుని భవిష్యత్తు తరాలకు ప్రగతి బాటలు వేసుకోవచ్చు కానీ చాలా చోట్ల ఆ ఓటు హక్కు వినియోగాన్ని నిర్లక్ష్యం చేస్తున్నారు కొందరైతే, మరికొందరు వారి ఓటు హక్కును అమ్ముకొని ప్రజాస్వామ్యాన్ని తప్పుడు వ్యక్తుల చేతులకు అప్పజెప్పి ప్రజాస్వామ్య వ్యవస్థను నాశనం చేస్తున్నారు.

మనం ప్రతిరోజు పొద్దున లేచినప్పటి నుండి రాత్రి పడుకునే వరకు మన కుటుంబానికి మనకు ఎలాంటి సమస్యలు రాకూడదని విజయాలు కలగాలని ఆ భగవంతుడిని ప్రార్థిస్తాము కానీ ఆ భగవంతుడు మనకి వరాలు ఇస్తాడో లేదో తెలవదు కానీ మనం నమ్ముతాము, అలా నమ్మిన మనము ఎందుకు మన ఓటును మనం నమ్మడం లేదు?

మన ఓటు హక్కు ఆ ఇంద్రుడి వజ్రాయుధం కంటే అత్యంత శక్తివంతమైనది అని ఎందుకు తెలుసుకోలేకపోతున్నాము మనము. మన ఓటు హక్కు వజ్రాయుధం కంటే అత్యంత శక్తివంతమైనది, మన ఓటు హక్కుతో ఎంత పెద్ద నాయకుడిని అయినా, ఎంత పెద్ద ధనిక నాయకుడిని అయినా లేదా పేద నాయకుడిని అయినా రాజ్యాంగ పదవుల నుండి క్షణకాలంలో మన ఓటును వేసి వారి పదవులను మార్చవచ్చు, అలాగే వారి ప్రభుత్వాలను దించవచ్చు, ఎక్కించవచ్చు, అదే మన ఓటుకు ఉన్న శక్తి.

నీ ఓటు హక్కును 500 రూపాయల నోటుకో, కోటార్ సీసాకో, బిర్యానీ పోట్లానికో తాకట్టు పెట్టుకోవడం అంటే నీ కుటుంబాన్ని, నీ పిల్లల జీవితాన్నినీ ఊరు భవిష్యత్తుని తాకట్టు పెట్టడమే, అది ఎలాగా అంటే నీ ఓటును కొనుక్కునే నాయకుడు, ఎన్నికల తర్వాత పదవిలోకి వచ్చాక నీ ప్రభుత్వ ఆస్తిలో సొమ్మును, నీ కుటుంబానికి ప్రభుత్వ పథకాల ద్వారా అందవల్సిన వనరులను అందకుండా చేస్తారు, నీ ఊరి అభివృద్ధికి అందవల్సిన సొమ్మును పక్కకు మళ్ళి ఇస్తారు.. ఇదే కాదు, నీ పిల్లలకు అందవలసిన నాణ్యమైన ఉచిత విద్యని అందకుండా చేసి, మీ కుటుంబ జీవితాన్ని మొత్తం అంధకారంగా మారుస్తారు.. అలాగే నాణ్యమైన ప్రభుత్వ ఉచిత వైద్యం నీ కుటుంబానికి అందకుండా చేసి, మీ కుటుంబ భవిష్యత్తును మరో 10 సంవత్సరాలు వెనకకి నెట్టివేస్తారు..అందుకోసమే నీ ఓటును అమ్ముకోకు నీ కోసం, నీ కుటుంబ భవిష్యత్తు కోసం, నీ ఊరి అభివృద్ధి కోసం ఆలోచించేవారికి, పని చేసే వారికీ మీ ఓటును వెయ్యండి . అప్పుడే మీ కుటుంబం బాగుపడుతుంది, మీ ఊరు మన రాష్ట్రము, దేశం అభివృధి చెందుతుంది.

మనందరం మన ఓటు హక్కును సక్రమంగా వినియోగించుకున్నప్పుడే, మన ప్రాంతాన్ని మన రాష్ట్రాన్ని దేశాన్ని పాలించుకునేందుకు సమర్ధులైన నాయకులలని ఎన్నుకున్న వచ్చు లేదంటే స్వార్ధపరులకు అవకాశం కల్పించినట్లు అవుతుంది వారి ద్వారా మన దేశాన్ని మరో 10 సంవత్సరాలకు వెనుకకు నెట్టినట్లు అవుతుంది కాబట్టి సమర్ధులైన నాయకులకు ఓట్లు వేసి వారిని చట్టసభలకు పంపించినప్పుడే మనం కన్న కలలు నెరవేరుతాయి దేశము అభివృద్ధి చెందుతుంది దయచేసి ఆలోచించు ఓటు వేయండి,మోసపోకండి, మోసగాళ్లను అసలు నమ్మకండి. మీ ఓటు వేసే ముందు ఒక్క క్షణం మీ భవిష్యత్తుని మీ కుటుంబ భవిష్యత్తుని ఆలోచించి నిజాయితీ కలిగిన నాయకుడికి ఓటు వేయండి.

-సురేందర్ గౌడ్ తాళ్లపల్లి

బహుజన నాయకులకి శత్రువులు బహుజనులే, పెద్ద కులాల నాయకుల వ్యూహాలను చూసి నేర్చుకోవాలి!

ఇలాంటి పెద్ద కులాల నాయకులు, రాజకీయ అవసరాల చేరికలు ఈ బహుజన మేధావులకు కనపడవు...వారిని విమర్శించడానికి ఈ నోరులకు భయం..! నిజానికి వారి యూనిటీని చూసి నేర్చుకోవాల్సింది ఎంతో గాను ఉంది! 

బహుజన నాయకులు రాజకీయంగా నిలదక్కోవడం కోసం, మీరు అంటున్నట్లు రాజకీయ అవసరాల కోసం, బహుజనుల హక్కుల రక్షణ కోసం పార్టీ మారితే తప్పేంటి?

వారేమీ ఆస్తులు కూడా పెట్టడానికి, వ్యాపారాలు కాపాడుకోవడానికి పార్టీలు మారడం లేదు..!

శ్రీకృష్ణ భగవానుడు కూడా యుద్ధం గెలవడానికి కొన్నిసార్లు యుద్ధం చేయకుండానే బయటికి పారిపోయాడు, ఆ సంఘటన ఆధారంగా ఆరోజు శ్రీకృష్ణుడిని రణచూరుడు అన్నారు, శ్రీకృష్ణుడు ఆ సమయంలో ఎందుకు అలా చేశాడో ఎవరు కూడా ఆలోచన చేయలేదు, కానీ ఆరోజు అలా చేయడం ద్వారా తన రాజ్య ప్రజలను, తన సైన్యకులని ప్రాణాలు పోకుండా రక్షించుకొని, శత్రువుని యుద్ధం చేయకుండానే సంహరించాడు. అలాంటి వ్యూహాలు ఎన్నో అనుసరించాడు శ్రీకృష్ణుడు..

దయచేసి బహుజన మేధావులకి విజ్ఞప్తి, మీకు వీలైతే వారి అనుసరించే వ్యూహాలకి మీరు సహకరించండి, అంతే కానీ వారి వ్యూహాలు తెలవకుండా వారిని బలహీన పరచకండి 🙏🙏

RegardsS

Surender Thallapelly

ప్రజలే పాలకులు అవుతారు కానీ, పాలకులు ఎప్పుడూ ప్రజలు కాలేరు!

ముఖ్యమంత్రి రేవంత్ రెడ్డి గారు, మీరు చాలా కింది స్థాయి నుంచి ముఖ్యమంత్రి స్థాయికి వచ్చారు, అది అందరికీ సాధ్యం కాదు..

మీరు గతంలో ఎలాంటి పదజాలం వాడిన అది నడిచినది కానీ ప్రస్తుతం తెలంగాణ ముఖ్యమంత్రి పదవిలో ఉన్నారు, ఈ పదవిలో మీరు ఏమి మాట్లాడినా దాని ప్రభావం నాలుగున్నర కోట్ల ప్రజల మీద పడుతుంది, ముఖ్యంగా 60% పైగా ఉన్న యువత మీద పడుతుంది.. దయచేసి మిమ్ములను భవిష్యత్తు తరాలు గుర్తుపెట్టుకునేతట్లుగా మెలగండి..🙏

మీరు అన్నట్లు గుర్తులు ఆనవాళ్ళ గురించి, గత పాలకుల గుర్తులను, మీరు చెరిపేస్తే.. మీ గుర్తులను మీ ఆనవాళ్లను వచ్చే తరాలు కూడా చెరిపేస్తాయి అనే మాట మీరు మర్చిపోకండి (లోతుగా పోనవసరం లేదు ఎందుకంటే చరిత్ర పాఠాలు మనం చూస్తూనే ఉన్నాము).!

ఇక్కడ పాలకులు గుర్తుంచుకోవలసిన విషయం...పాలకులు ప్రజలకు స్వచ్ఛమైన పాలనను అందిస్తే, ఆ ప్రజలే వాళ్ల చరిత్రను లక్షల వేల సంవత్సరాలు అయినా వారి ఆనవాళ్లను, వారి గుర్తులను మరువరు, అంతేకాదు వారిని దేవుళ్ళు లాగా కొలుస్తారు..

అలాంటి వారి చరిత్ర ఆనవాలను తొలగించడానికి ఎన్ని విద్వాంసాలు చేసినా కూడా వారి చరిత్ర రెట్టింపు స్థాయిలో మళ్లీ తిరిగి వస్తుంది..అలాంటి ఫలితాలనే మనం చూస్తున్నాను..చూసినాము..చూడబోతున్నాము!

దానికి గొప్ప ఉదాహరణ :అయోధ్య శ్రీరాముడు, శ్రీకృష్ణుడు..🙏

. . మీ సురేందర్

గద్దర్ అన్న పేరును పెట్టవలసింది సినిమా రంగానికి సంబంధించిన అవార్డుకి కాదు, పేదవాడు తప్పించే న్యాయపోరాటానికి సంబంధించిన వ్యవస్థకి పెట్టాలి

 

నాడు రాముడు.. నేడు చంద్రుడు!

 

Chief Minister KCR is an ideal for public progress!

 

ముఖ్యమంత్రి కేసీఆర్ గారికి కాంగ్రెస్ ముఖ్యమంత్రికి తేడాలు ఇవే!

కొంతమంది మిత్రులు గమ్మతిగా విమర్శిస్తున్నారు ముఖ్యమంత్రి కేసీఆర్ గారిని

విమర్శ :ముఖ్యమంత్రి కేసీఆర్ గారు ప్రజలకి కలిసే అవకాశం ఇవ్వరు, ఎవ్వరికి అందుబాటులో ఉండరు అని, అలాగే కాంగ్రెస్ పాలనలో ముఖ్యమంత్రులు ప్రజలకు అందుబాటులో ఉండేవారు అని.

వారికి నా సమాధానం :

మీరు చెప్పింది నిజమే రాజశేఖర్ రెడ్డి గారి పాలనలో ఇలా జరిగేది. నాకు బాగా గుర్తు, కానీ మీకు ఎంతవరకు అవగాహన ఉందో లేదో నాకు తెలవదు.

ఆ సమయంలో వారిని కలిసిన సామాన్యుల, వారి సమస్యలు ఏంటో మీకు తెలుసా కనీసం, ఆ రోజుల్లో 200, 250రూపాయల పింఛన్ ఇస్తే, పింఛన్ డబ్బులు కూడా రాకపోయేవి. పింఛన్ అప్లై చేసుకుంటే అప్లై కూడా కాక పోయేది. వాటికి కూడా లంచాలు అడిగే వారు వాటిపై విన్నపం ఇవ్వడం కోసము వాటిని పరిష్కరించాలని విజ్ఞప్తి కోసం వచ్చేవారు,

రెండోది ఆ కాలంలో రైతులకు విపరీతమైన కరెంటు సమస్య ఉండేది కరెంటు వస్తే కరెంటు మోటర్లు విపరీతంగా కాలేవి, నూతన వ్యవసాయ ట్రాన్స్ఫార్మర్స్ కావాలంటే ఇంజనీర్లకు లంచాలు ఇచ్చే అంతవరకు వచ్చేవి కావు, వాటి కోసం రైతులు తలా ఇంత పైసలు వేసుకుని వారికి ఇచ్చేవారు. అలాంటి సమస్యలు పరిష్కరించాలని విజ్ఞప్తి కోసం వెళ్లేవారు.

ఇక మంచినీళ్ల సమస్యలు, నీళ్ల కోసం ఆడవాళ్లు బిందెలు పట్టుకొని బాయిల దగ్గరికి కిలోమీటర్లు ప్రయాణించి నీళ్లు తెచ్చుకునేవారు. అలాగే ఒకవేళ అందుబాటులో ఉన్న కొళాయిలు ఉంటే వాటి ముందు వందల కొద్ది మహిళలు బిందెలు పట్టుకొని ఉండేవారు,ఆ కుళాయిల నుండి మంచినీళ్లు వచ్చేది కాదు, ఇలాంటి సమస్యలు పరిష్కరించాలని ఆ రోజు ముఖ్యమంత్రిని కలిసేవారు. 

ఇక ఇలాంటి లెక్కలు ఎన్నో ఉండేవి. ఇలాంటి సమస్యలు ప్రస్తుత తెలంగాణ రాష్ట్రంలో ఎక్కడ ఉన్నాయి చెప్పండి?

ఇలాంటి సమయంలో తెలంగాణ ప్రభుత్వం ఎన్నో సంక్షేమ పథకాలను పేద ప్రజలకు అందిస్తున్నాయి. సమయాన్ని బట్టి ముఖ్యమంత్రి కేసీఆర్ గారు ప్రజల సమస్యలు తెలుసుకుంటూనే ఉన్నారు, వారిని వ్యక్తిగతంగా కలుస్తూనే ఉన్నారు అధికారులతోటి ఎప్పటికప్పుడు రివ్యూ మీటింగ్ల ద్వారా ప్రజలకు దగ్గర అవుతూనే ఉన్నారు, ప్రజలకు కావలసిన సంక్షేమ పథకాలు అందిస్తూనే ఉన్నారు. ఇలాంటి సమయంలో ఇవన్నీ గమనించకుండా విష ప్రచారం చేయడం సరి అయింది కాదు. 

కాంగ్రెస్ పార్టీ అంటేనే కమిషన్ల పార్టీ ఇది అందరికి తెలిసిందే 60 ఏళ్ల పాలనలో ఏం చేసిందో అందరికీ కూడా తెలుసు, మీరు 9 ఏళ్ల పాలనను 60 ఏళ్ల పాలనతో పోల్చుతున్నారు, కానీ ప్రస్తుతం 60 ఏళ్లలో జరగని అభివృద్ధి కేవలం 9 ఏళ్లలో జరిగింది ఆ లెక్కలు ఒకసారి చూడండి.

ఆలోచించి ఓటు వేయండి, ఆవేశంతో కాదు.

      మీ మిత్రుడు

 సురేందర్ తాళ్ళపల్లి

తెలంగాణ సమాజానికి కెసిఆర్ ఒక నమ్మకం - భరోసా కలిగించే రాజశేఖర్ రెడ్డి, కెసిఆర్ లాంటి నాయకులు ఆ పార్టీలలో ప్రస్తుతం లేరు!

 ఒక మిత్రుడు అడిగాడు ఈసారి ఎన్నికల్లో మన ఓటు ఎవరికి వేద్దాము అని

దానికి సమాధానంగా నేను చెప్పాను, ఏమి ఆలోచించకుండా బిఆర్ఎస్, కెసిఆర్ గారి కారు గుర్తుకే అని.

దానికి బదులుగా నా మిత్రుడు నన్ను అడిగాడు, గతంలో రెండు సార్లు వారికే అవకాశం ఇచ్చాం ఈసారి మనం మార్చుకోవచ్చు కదా అని.

దానికి సమాధానం ఇలా చెప్పాను నా మిత్రుడికి, రాజశేఖర్ రెడ్డి కెసిఆర్ గారి లాంటి నాయకులు  కాంగ్రెస్ లో కానీ బీజేపీలో కానీ ఉంటే వారికే వేసేవాళ్ళము. 

మళ్లీ నా మిత్రుడు నన్ను అడిగాడు ఇలా, టిఆర్ఎస్ పార్టీతో అసలు తెలంగాణలో ఏమి మార్పు జరిగిందని, ముఖ్యంగా నీకేమి లాభం జరిగిందని, నువ్వు వారి ద్వారా చాలా నష్టపోయావు, వారిని మూడోసారి ఎన్నుకోవాలి అనుకుంటున్నావు నువ్వు అని, నా మిత్రుడు నన్ను అడిగాడు. 

దానికి బదులుగా ఇలా నా మిత్రుడికి చెప్పాను నేను. 

మొదటగా తనకి చెప్పాను నేను, నాకు జరిగిన లాభనష్టాల గురించి నేను ప్రస్తుతం ఆలోచించడం లేదు,కేవలం తెలంగాణ సమాజానికి మరీ ముఖ్యంగా రైతు సమాజానికి జరిగిన లాభాలను అభివృద్ధిని మాత్రమే ఆలోచిస్తున్నాను. 

📌తెలంగాణ రాష్ట్ర ఏర్పాటు తర్వాత కొన్ని వ్యవస్థలో మార్పు జరిగింది అది మనం ఒప్పుకోవాల్సిందే. 

📌 మొదటగా రైతులు, వ్యవసాయం. తెలంగాణ రాష్ట్ర ఏర్పాటు జరగక ముందు తెలంగాణ రాష్ట్రంలో కరెంటు కష్టాలు దాని ద్వారా రైతులు పడ్డ ఎన్నో రకాల ఆవేదనలు మనం మర్చిపోవద్దు, కరెంటు ఎప్పుడు వస్తుందో తెలవదు ఎన్ని గంటలు ఉంటుందో తెలవదు వస్తే నాణ్యమైన కరెంటు వస్తుందో రాదో తెలియదు దాని ద్వారా బాయ్ మోటర్లు ట్రాన్స్ఫార్మర్లు పదే పదే కాలిపోయేవి. ఇక అక్కడ సినిమా మొదలయ్యేది రైతులకి.. కరెంటు అధికారుల చుట్టూ నిరంతరం తిరిగే వాళ్ళు లంచాలు ఇచ్చేవారు, అయినా సరియైన సమయానికి ట్రాన్స్ఫార్మర్లు వచ్చేవి కాదు దానితో పంటలు ఎండిపోయేవి, ఈ కష్టాలు నేను తెలంగాణ రాష్ట్రం ఏర్పాటు జరిగిన చూడడం లేదు, రైతులు సంతోషంగా ఉన్నారు. ఇది ఏ రైతును అడిగినా చెబుతాడు.

📌 వ్యవసాయ నీటిపారుదల, మంచినీటి తాగునీరు సమస్య తెలంగాణ రాష్ట్రం ఏర్పాటుకు జరగకముందు ఇది విపరీతంగా ఉండే ఇది అందరికీ తెలిసిందే. ఈ సమస్య తెలంగాణ రాష్ట్రంలో ప్రస్తుతం 80% పైగా నెరవేరింది. గతంలో మంచినీళ్ల కోసం లైన్లో బిందెలతో నిలబడే వాళ్ళు, బాయిల కాడికి నీళ్ల బిందెలతో వెళ్లి నీళ్లు మోసుకుంటూ ఇండ్లకు వచ్చేవాళ్లు. ఇప్పుడు అలాంటి సమస్య లేదు, ప్రతి ఇంటికి మంచినీటి కొళాయి వచ్చాయి.

📌 గతంలో రైతులు పండించే పంటలకు పెట్టుబడి సహాయం ఉండేది కాదు, వడ్డీ వ్యాపారుల చేతిలో బ్యాంకర్ల చేతిలో మోసపోయి అప్పుల బాధతో రైతులు ఆత్మహత్యలు చేసుకునేవారు, నేడు ఆ సమస్య 85% పైగా నెరవేరింది, నేడు రైతుకి పెట్టుబడి సహాయం కింద రైతు బంధువు అందుతుంది, ఒకవేళ రైతు ఏ కారణంతో చనిపోయిన కూడా ఆ రైతు కుటుంబానికి రైతు బీమా పథకం అందుతుంది. 

ఇక ఎన్నో మరి ఎన్నెన్నో అభివృద్ధి కార్యక్రమాలు జరిగాయి ఇలా వివరించుకుంట పోతే బోలెడన్ని ఉన్నాయి, ఈ కార్యక్రమాలు ప్రస్తుత వేరే పార్టీలు నిర్వహిస్తాయని ప్రజలు నమ్మడం లేదు నేను కూడా నమ్మడం లేదు, ఎందుకంటే నడిపే నాయకుడు కావాలి ఆ నాయకుడు ఆ పార్టీలో కనబడడం లేదు,

అంతేకాదు భవిష్యత్తులో ప్రజలు మెచ్చే మరిన్ని ఆలోచనలతో అభివృద్ధి పథకాలు చేపడతారని నమ్ముతూ అందుకోసం ఈసారి కూడా నా ఓటు బిఆర్ఎస్ కే🚘🗳️✊

ఇట్లు

సురేందర్ తాళ్లపెళ్లి

స్నేహితులు దినోత్సవం రోజు, ప్రతి స్నేహితులు తెలుసుకోవలసిన గొప్ప స్నేహితుల బంధ చరిత్ర

 స్నేహితుల దినోత్సవ శుభాకాంక్షలు💐💐🙏

ప్రతి స్నేహితుడు ప్రతి స్నేహితులు ఈ కథ చదవాలి, స్నేహబంధం ఎంత గొప్పదో ఈ చరిత్ర తెలుపుతుంది. 

*నేను చరిత్ర లో చదివిన అత్యంత గొప్ప మిత్రులు.*

👉 *కృష్ణ-కుచేలుడు*

👉 *కర్ణుడు-దుర్యోధనుడు.*

కృష్ణుడు-కుచేలుడు యాదవ రాజ్యం లో ఆడుకున్నవాడు. తరువాత కృష్ణుడు రారాజయినా, కుచేలుని మనసారా ఆదరించాడు. ‘కొత్తగా అధికారము, ధనమూ వచ్చాయని పాత స్నేహితులని మర్చిపోవద్దు’ అన్నది నీతి..!

*ఎంత కష్ట కాలం లో ఐనా ఒకరినొకరు స్నేహానికి విలువ ఇచ్చిన వారు కర్ణుడు-దుర్యోధనుడు.*

*స్నేహానికి ప్రాణమిచ్చిన కర్ణుడు*

అమ్మా నాన్నలు, బంధవుల్ని దేవుడే సృష్టించి స్నేహితులను మాత్రం ఎంపికచేసుకునే అవకాశం మనకే ఇచ్చాడు. అమ్మ అనే పదం తర్వాత ఆత్మీయతను ధ్వనింపజేసే మాట స్నేహం. స్నేహం అనేది ఆ దేవుడిచ్చిన గొప్ప వరం. మంచి స్నేహాతుడిని సంపాదించుకుని భద్రంగా కాపాడుకుంటే వారు జీవితాంతం సంతోషంగా ఉంచుతారు. మనలా ఆలోచించి, గురువులా బోధించి, తప్పు చేసినప్పుడు మందిలించే వ్యక్తి నిజమైన స్నేహితుడు. మంచి స్నేహితుల మధ్య ఎలాంటి మొహమాటాలు, రహస్యాలు ఉండవు. కష్టంలో కలత చెందిన మనసుకి వెన్నలా చల్లదనాన్ని, ప్రశాంతతను కలిగించే దివ్యౌషధం స్నేహం.

*మహాభారతంలోనూ కర్ణ, దుర్యోధనల చెలిమి నేటికీ ఆదర్శం.* 

తనను గౌరవించిన దుర్యోధనుడి వెంట మరణం వరకు ఉన్న కర్ణుడు...స్నేహం కోసం ధర్మాన్ని ఎదరించి, తన ప్రాణాలను వదిలాడు. కురుక్షేత్ర సంగ్రామం జరుగుతున్న ఒకనాటి రాత్రి శ్రీకృష్ణ పరమాత్మ కర్ణుడి శిబిరానికి వచ్చాడు. కర్ణా... అని పిలవగానే కృష్ణుడి గొంతు విని వడివడిగా వచ్చి కర్ణుడు నమస్కరించాడు. ‘కృష్ణా... ఏమిటి ఇంత రాత్రి వేళ ఈ రాక’ అన్నాడు. కర్ణుడికి జన్మ వృత్తాంతం చెప్పి పాండవుల పక్షంలోకి రమ్మని శ్రీకృష్ణుడు కోరుతాడు. దీనికి కర్ణుడు చిన్నగా నవ్వి కృష్ణా, నేనెవరన్నదీ నాకు తెలుసు. కురుక్షేత్ర సంగ్రామంలో గెలుపొందేది పాండవులే. ధర్మం పాండవుల పక్షాన ఉంది కనుకనే నువ్వు పాండవుల పక్షాన చేరి ధర్మ సంరక్షణ చేస్తున్నావు. అధర్మ వర్తనులైన కౌరవులు ఎన్నటికీ గెలవరు. ఆ విషయం నాకూ తెలుసు అన్నాడు.

ఇంత తెలిసినవాడివి పాండవుల పక్షాన ఎందుకు చేరడం లేదని శ్రీకృష్ణుడు ప్రశ్నించాడు. అందుకు కర్ణుడు... *దుర్యోధనుడు నన్ను నమ్ముకునే పాండవులతో యుద్ధానికి సిద్ధపడ్డాడు. నన్ను నమ్మిన దుర్యోధనుడిని ఒంటరిని చేసి పాండవులతో చేరడం మిత్రద్రోహం అనిపించుకోదా? నిజమైన స్నేహితునిగా నేను ఉండాలనుకుంటున్నానని తెలిపాడు. తన జన్మ గురించి తెలిసినా, స్నేహితుడిని విడిచి వెళ్లక అతడికి ధైర్యం నూరిపోసిన ధీశాలి కర్ణుడు. స్నేహానికి ప్రతిరూపం అతడు.*

ఇక కృష్ణ, కుచేలుర మైత్రి అపురూపమైంది. సాందీప మహర్షి ఆశ్రమంలో కృష్ణ, కుచేలురు కలసి విద్యాభ్యాసం చేశారు. ఆ సమయంలో ఇరువురి మధ్య స్నేహం కుదరింది. విద్యాభ్యాస కాలమంతా కలసి ఉన్న కృష్ణ, కుచేలురు తర్వాత విడిపోయారు. అధిక సంతానంతో ఎన్నో బాధలను అనుభవిస్తున్న కుచేలుడు పిల్లలకు కడుపునిండా భోజనం కూడా పెట్టలేకపోతున్నాడు. అలాంటి సమయంలో కుచేలునికి శ్రీకృష్ణుడు జ్ఞప్తికి వచ్చాడు. శ్రీకృష్ణుని కలసి తన పరిస్థితిని వివరిస్తే అతడు దయచూపుతాడని భావించిన కుచేలుడు కలవాలని నిర్ణయించుకున్నాడు. బంధువుల, స్నేహితులను చూడటానికి వెళ్లేటప్పుడు ఒట్టి చేతులతో వెళ్లకూడదని అంటారు. మరి కృష్ణుని వద్దకు ఎలా వెళ్లాలి అని తర్జన భర్జన పడి కొన్ని అటుకులను మూటగా కట్టుకుని ద్వారకకు బయలుదేరాడు.

కుచేలుడు కృష్ణ మందిరంలోకి ప్రవేశించగానే సాదరంగా ఆహ్వానించి ఉచితాసనంపై కూర్చుండబెట్టి కుశలమడిగాడు. ‘మిత్రమా! చాలా రోజులకు కలుసుకున్నాం కదా. ఈ స్నేహితునికి తినడానికి ఏమైనా తెచ్చావా?’ అని అన్నాడు. కృష్ణుడు అలా అడిగేసరికి కుచేలుడు సిగ్గుపడి ఏ సమాధానం చెప్పకుండా చేష్టలుడిగిపోయాడు. కృష్ణుడే అటుకుల మూటను చూసి అడిగాడు. కుచేలుడు వాటిని ఇచ్చాడు. కృష్ణుడు వాటిని తినగానే తను, తన కుటుంబం ఎంతగా బాధపడుతున్నదీ చెప్పకుండానే కుచేలుడు తిరుగుముఖం పట్టాడు. సర్వం తెలిసిన పరమాత్ముడు కుచేలుడిని ఐశ్వర్యవంతుడిని చేశాడు. ఇలాంటి నిస్వార్థ స్నేహమే కలకాలం నిలుస్తుంది. ఎవరైనా సరే కృష్ణ, కర్ణులను ఆదర్శగా తీసుకుని స్నేహం చెయ్యాలి.

*మంచి స్నేహం వ్యక్తి వికాసానికి బాటలు వేస్తుంది. మిత్రుడు తోడుంటే ఆయుధం ధరించినంత ధైర్యంగా ఉంటుంది. ప్రతి వ్యక్తి జీవితంలోను విలువైన స్నేహాన్ని జీవితాంతం నిలుపుకునే ప్రయత్నం చేయాలి. స్నేహానికన్నా మిన్నా లోకాన లేదురా... ఆ విలువైన బంధాన్ని అపురూపంగా కాపాడుకోవాలి.*

ప్రకృతి విపత్తు వర్షాలు, వరదలతో కూడా రాజకీయమా? వరద బాధిత ప్రజలకు సహాయం చేయండి ఆ తర్వాత మీ రాజకీయాలు చేయండి.

 పిసిసి అధ్యక్షులు రేవంత్ రెడ్డి గారి పనులు చూస్తే, అచ్చం మహాభారతంలో పౌండ్రక వాసుదేవుడు, శ్రీకృష్ణ పరమాత్మ మధ్య జరిగిన సంఘటనలు గుర్తుకొస్తున్నాయి,

రాష్ట్ర చరిత్రలో ఎప్పుడూ లేనంత విధంగా విపరీతమైన వర్షాలు, వరదలు వచ్చాయి. దీనికి సంబంధిత సాక్షాలు అందరి కండ్ల ముందు కనిపిస్తున్నాయి, ఒకవేళ కనిపించని వారు భారత వాతావరణ శాఖ దగ్గర వివరాలను తీసుకుని చూడవచ్చు.

సామాన్యంగా వరదలు, వర్షాలు వచ్చినప్పుడు నాయకులు చేయవలసిన పని, ప్రజలకు ధైర్యాన్ని కల్పించి, వారికి తోచిన స్థాయిలో ఆహారం, నిత్యవసర వస్తువులు కల్పించి వారికి తోడు నిలవాలి, అది నాయకుడి యొక్క ప్రథమ లక్షణం.

అంతేకానీ వర్షం వెలవగానే మొదటి రోజు నుండే ప్రభుత్వంపై ధర్నాలు చెయ్యడం ఏంటి?

ప్రతిపక్ష పార్టీగా ప్రభుత్వాన్ని ప్రశ్నించడంలో తప్పులేదు కానీ ఈ సమస్య ప్రభుత్వం ద్వారా జరగలేదు. ప్రకృతి విపత్తు నుండి జరిగింది, ఈ సమయంలో ప్రతిపక్ష పార్టీ సమన్వయం వహించి, బాధిత ప్రజలకు తోడు నిలిచి, ప్రభుత్వం వరద అంచనా వేసిన తర్వాత. బాధితులకు సరియైన స్థాయిలో నష్టపరిహారాన్ని ఇవ్వకుంటే, అప్పుడు ప్రభుత్వంపై బాధిత ప్రజల తరఫున పోరాడాలి, ధర్నాలు చేయాలి. ఇది ఒక పద్ధతి, ఇది మరిచి పోయి, అంగడి అంగడి ఆగమాగం చేస్తే ఎలా?

ఈ వర్షాల గురించి ఈ వరదల గురించి ప్రజలకు, గ్రామీణ ప్రజలకు సరియైన స్థాయిలో అవగాహన ఉంది, మీరు వరదలు వచ్చినా గ్రామాలలోకి వెళ్లి అడగండి. వారి చెప్పారు, ఇలాంటి వర్షాలు ఎన్ని సంవత్సరాల క్రితం వచ్చాయో,

ఇలాంటి రాజకీయాలు చేస్తే కాంగ్రెస్ పార్టీకి వచ్చే ఓట్లు కూడా రాకుండా పోతాయి. 🙏😊మనం ప్రజల మనసులను దోచుకునే పనులు చేయాలి అంతేకానీ ప్రజలను గందరగోళంలోకి నెట్టకూడదు.

శ్రీయుత గౌరవనీయులైన కల్వకుంట్ల చంద్రశేఖర్ రావు, తెలంగాణ ముఖ్యమంత్రి గారికి నమస్కరించి రాయునది ఏమనగా.

ప్రమాదంలో తెలంగాణ కాంగ్రెస్ - బూతు మాటలకి ఓట్లు రాలవు

 ప్రమాదంలో తెలంగాణ కాంగ్రెస్

అధికారం కోల్పోయి తొమ్మిది సంవత్సరాలు అవుతూ, ఈసారి ఎలాగైనా కాంగ్రెస్ని అధికారంలో తీసుకురావాలన్న కాంగ్రెస్ కార్యకర్తల ఆశలు మరో మారు అడియాశలు అవుతున్నాయి.

రాహుల్ గాంధీ గారి భారత్ జోడో యాత్ర నూతన శక్తిని ధైర్యాన్ని కల్పించిన, కర్ణాటక విజయం నూతన ఉత్తేజాన్ని నింపిన, ఎన్నిసార్లు కాంగ్రెస్ ఢిల్లీ పెద్దలు గీతోపదేశం చేసిన మారినట్టే మారి, తెలంగాణ రాష్ట్ర కాంగ్రెస్ ని మళ్లీ అదే స్థాయికి నింపుతున్నారు ఇక్కడి నాయకులు.

అధికార పార్టీ ఎప్పటికప్పుడు వ్యూహాలు రచించుతుంటే, వారి వ్యూహంలో తెలంగాణ కాంగ్రెస్ పెద్దలు బందీలు అవుతున్నారు, ఒక పార్టీ ప్రతిపక్షంలో ఉన్నప్పుడు ఆచి చూసి అడుగులు వేయాలి, ఆలోచించి మాట్లాడాలి, అందర్నీ కలుపుకపోయి స్పందించాలి.

కానీ ఇది కనిపించడం లేదు కాంగ్రెస్ పార్టీలో, మరీ ముఖ్యంగా తెలంగాణ కాంగ్రెస్ అధినాయకుడు విషయంలో స్పష్టంగా కనబడుతుంది, ఒక విషయం గురించి ఒక పాలసీ గురించి మాట్లాడినప్పుడు వివరాత్మకంగా విషయబద్ధంగా ప్రజలకు నొప్పి కలగకుండా మాట్లాడాలి, అలాగే అధికార పార్టీ వారు కానీ ఇతరులు కానీ విమర్శలు చేసినప్పుడు వాటికి వివరాత్మకంగా స్పందించాలి.

కానీ కాంగ్రెస్ తెలంగాణ అధినాయకుడు మాత్రం అలా స్పందించడం లేదు, ఏ విషయాన్ని వివరించిన బూతు పురాణమే ఆధారం అన్నట్టుగా, బూతే నా భవిష్యత్తు అన్నట్టుగా, ఏమి మాట్లాడినా బూతులతోనే సమాధానం చెప్పడం సరికాదు, కొన్నిసార్లు ఆ బూతులకి ప్రజలు ఆకర్షితులు కావచ్చు కానీ చివరకు ఆ బూతు మాటలు ఎన్నికల్లో ఓట్లుగా మారలేవు ఆ విషయం అర్థం చేసుకుంటే కాంగ్రెస్ బాగుపడుతుంది, కాంగ్రెస్ కార్యకర్తల కల నెరవేరుతుంది.

ఒక్క విషయం కాంగ్రెస్ నాయకులు గుర్తుపెట్టుకోవాలి, రాజకీయాల్లో విమర్శలు సద్విమర్శలు అనేది సహజం, ఇలాంటివి ఎదురుపడినప్పుడు జాగ్రత్తగా స్పందించాలి, అంతేకానీ మాట్లాడిన వారిపై వ్యక్తిగత దాడులు, వారి వ్యక్తిగత సైన్యంతో బూతులు మాట్లాడిస్తూ చౌకబార రాజకీయాలుగా మార్చుతున్నారు. ఈ పద్ధతి కేవలం అధికార పార్టీ వారిపైనే కాదు సొంత పార్టీ వారిపై కూడా గతంలో కొనసాగించారు ఈ విషయం అందరికీ తెలిసిందే.

ఇలాంటి సమయంలో ప్రజలు కాంగ్రెస్ వైపు ఎలా చూస్తారో మీరే ఆలోచించండి.ఇది ఒక ఎత్తు అయితే.

మరో అతిపెద్ద ప్రమాదం కాంగ్రెస్ కి దగ్గర్లో ఉంది.

అదే తెలంగాణ కాంగ్రెస్ నుండి పుట్టిన మరో కాంగ్రెస్ పార్టీ, మాజీ కేంద్రమంత్రి పుంజాల శివశంకర్ గారి తనయుడు పుంజాల వినయ్ కుమార్ వారి సారథ్యంలో సామాజిక విలువలతో పురుడు పోసుకున్న పార్టీ "తెలంగాణ సమాజ కాంగ్రెస్ పార్టీ".

ఈ పార్టీతో కాంగ్రెస్కి నూటికి నూరు శాతం నష్టం జరగబోతుంది, అది ఎలాగా అంటే కాంగ్రెస్ అంటేనే ఆధిపత్య కులాల, ఒక కులానికి పేటెంట్ గా అన్నట్టుగా మార్చేశారు, ఇదే ఆవేదన ఆ పార్టీలో ఉన్న బలహీన వర్గాల నాయకులు పదేపదే ప్రశ్నించి బయటికి వచ్చారు, మరికొందరు ఆ పార్టీలోనే ఇంకా పోరాడుతూనే ఉన్నారు (వారి జాబితాలో బట్టి విక్రమార్క గారు, హనుమంతరావు గారు, పొన్నాల లక్ష్మయ్య గారు, మధుయాష్కి గారు, పొన్నం ప్రభాకర్ గారు మరి ఇలా చాలామంది) పార్టీలో ఉన్న నాయకులకే సామాజిక న్యాయం లేదు అలాంటిది వారు ప్రజలకు ఏమి సామాజిక న్యాయం చేస్తారనేది ప్రశ్న.

ఇలాంటి సందేహాల నుండి పుట్టినదే తెలంగాణ సమాజ కాంగ్రెస్ పార్టీ. 

రేపు జరగబోయే ఎన్నికల్లో, తెలంగాణ కాంగ్రెస్ పార్టీ  టికెట్ల పంపకాల విషయంలో కానీ సామాజిక న్యాయం విషయంలో కానీ అన్యాయం జరిగినట్లయితే, కాంగ్రెస్ బడుగు బలహీన వర్గాల నాయకులు, యువ నాయకులు, కార్యకర్తలు ఈ పార్టీ వైపు చూసే అవకాశం మెరుగుగా ఉంది. ఇది ఒక బలమైన అంచనా. అలాగే బడుగు బలహీన వర్గాల ప్రజలు కూడా కాంగ్రెస్ విషయంలో పెద్దగా ఆసక్తి చూపడం లేదు, ఈ సమయంలో ఈ పార్టీ గనుక ప్రజల్లోకి బలంగా వెళ్ళినట్లయితే కాంగ్రెస్కి భారీ నష్టం కలగవచ్చు.

అలాగే తెలంగాణ సమాజ కాంగ్రెస్ పార్టీ వారి పార్టీ సిద్ధాంతాలు బడుగు బలహీన వర్గాల ప్రజలకు మరియు ఇతర ప్రజలకు వివరాత్మకంగా న్యాయబద్ధంగా ఉన్నాయి, అలాగే వారి ముఖ్యమంత్రి అభ్యర్థి కూడా బీసీ నాయకుడని ప్రకటించారు. మరెన్నో మార్పులు చూడబోతున్నాం. ఇలాంటి అంశాలు అన్నీ కాంగ్రెస్ పార్టీని పద్మవ్యూహంలో బంధిస్తున్నాయి.

చివరగా రాష్ట్ర కాంగ్రెస్ అధినాయకులు ఆలోచనలు,బూతు పురాణాలు మాని కాంగ్రెస్ కార్యకర్తలకి బలాన్ని నింపాలని, అధికారం కోసం న్యాయబద్ధమైన చర్చలు చేస్తూ అధికారంలో రావాలని ఆశిస్తూ. 🙏